Manuscrito 2922 BPRM/fol 70r

Manuscrito 2922 BPRM/fol 70r

Trascripción

70 ¶. Acto de contricion. ¶. Señor mio Jesu-christo ocanxinga Dioscbmguene, muyscac vmguene.   hycha maquyia mahuhizuac vmguene, haca choine vmguene, ysc   vmguensan, vmchie zegucupquaz muhuc guahaica pecar bquy-   guê_ ban zepuyquy nuc vm muys Zane. ban muê atucaguê chaguis-   ca Señor ipquabie azonuca quyhycai chahac vmtyzyn zynia puy-   quyn npquac muec vmguen npquac chaquyia chauza pecaro mu-   huc guahicacaguen quihichan, Zepuyquy quiê atyzynzynia puy-   quyne. ynaia yscquie chahactyzupqua maguezâ. yspqua bquyza-   cuc chabgyesnga, cho Señor Dios, ban ie hatac zepuyquyn mnyquy,   banaia hycha, ii, vmtazac muhuc guahaica pecar vbuc bquy Zin-   ga Zepuyquy nuc bgasquâ. Apquas confesar choc bquys, ipquaba Padre   chahac guinga xin, azonuca bquys achahanynga Zepuyquy nuc   basqua. Amen Jesus. ________________________________ ¶ Oracion al S.to Angel dela guarda. ¶. Angel hychâ maisquysuca<ref>Revisar.</sup> Dios yquy ityzyn npquac zemuysquyn   nxie, bgyngicanxie Zequihichan vmiiboas muxcuc chamnynân.   Agachi bazona suaca (ȧ la noche diga, bazona zaca.) hycha choc   maquy iacâ; pecar bquyza nynga npquac ipquabie guahaica chahas   aquynzanynga npquac isân maziecâ puyquy chie zuhuc manyes   uesba Dios hoc choxin yscuc chaquyias, ocanxingue Zequycaca-   guecua cielo muys chasaiacâ. Apquas bgysquana agachi Angel   Zyba nuc vmzonynga suetyba chahân yban vmtas Zamima mytan   vmzacoas Dios muys vmnynga. Amen Jesus. _______________________________________________________________